Konings

Konings is ‘n bekroonde reeks wat handel oor Dolf Groenewald, ‘n arm weeskind wat daarvan droom om eendag ‘n winkel, so groot soos ‘n rugbyveld wat alles verkoop, te hê. Sy pa se voormalige vennoot, Jollyboy neem Dolf onder sy vlerk toe beide sy ouers kort ná mekaar sterf. Jollyboy het twee kinders, Herman en Rika. Herman was van meet af aan antagonisties teenoor Dolf, maar dit het Dolf net méér gedryf om sy droom te bewaarheid. Met die hulp van Jollyboy, Syd en Oom Koos Bensien open Dolf sy winkel, Superspaar. Santie is die liefde van Dolf se lewe, maar Herman is die een wat met haar trou. Soos die jare aanstap groei Superspaar en word dit toenemend moeiliker vir Dolf, die magnaat, om beheer oor Superspaar te behou.